Nýlega uppfærði Fiskiðjan Bylgja í Ólafsvík gæðakerfi sitt til að mæta strangari kröfum erlendra kaupenda fiskiafurða. Í fréttatilkynningu Fiskiðjunnar má lesa eftirfarandi:

"Við uppfærslu gæðakerfisins var stuðst við BRC gæðastaðal (British Retail Consortium, Global standard for food safety) en sá staðall tekur mið af framleiðslunni í víðu samhengi. Verkefnið var unnið í samvinnu við Matvæla- og gæðakerfi ehf en fyrirtækið veitir sérfræðiráðgjöf og þjónustu hvað varðar lausnir í gæðamálum, innleiðingu gæðakerfa, þjálfun og fræðslu starfsfólks sem og eftirfylgni á meðan nýjungar eru að festa sig í sessi."

Árlega flytur Fiskiðjan Bylgja út um þúsund tonn af afurðum. Helstu markaðir eru í Mið-Evrópu og á Norðurlöndunum.